- Misli Premyer liqa
- 20:55 21.06.2026
Avstriyada təlim-məşq toplanışında olan "Qarabağ" növbəti yoxlama oyununa çıxıb.
90deqiqe.Az xəbər verir ki, Ağdam klubu günün ikinci matçında Çexiyanın "Viktoriya" (Plzen) komandası ilə qarşılaşıb.
Qarşılaşma "köhlən atlar"ın 2:1 hesablı qələbəsi ilə başa çatıb. "Qarabağ"ın hər iki qolunu Leandro Andrade vurub.
Qeyd edək ki, "Qarabağ" günün ilk oyununda Almaniyanın "Kayzerslautern" klubuna 1:3 hesabı ilə uduzub.
