“Kəpəz”dən ayrılan futbolçu “Zirə”də

“Zirə” klubu yeni futbolçu ilə anlaşıb.

Klubdan 90deqiqe.Az-a verilən məlumata görə, “qartallar” Georgi Papunaşvilini heyətinə qatıb. Gürcüstanlı yarımmüdafiəçiylə 1+1 illik müqavilə bağlanılıb.

Qeyd edək ki, 28 yaşlı futbolçu karyerası ərzində ölkəsinin “Dinamo”(Tbilisi), “Telavi”, “Samtredia”, “Torpedo” (Kutaisi), Almaniyanın “Verder”, İspaniyanın “Saraqosa”, “Rasinq”, Kiprin “Apollon”, Serbiyanın “Radniçki” klublarında çıxış edib. G. Papunaşvilinin son klubu “Kəpəz” olub. Gürcüstan millisinin də şərəfini qorumuş futbolçu yığmada 17 matçda 3 dəfə fərqlənib.