Kurban Berdiyev Azərbaycan məşqçilərini geridə qoydu

Dünyanın ən yaxşı məşqçiləri ilə bağlı yeni siyahı dərc olunub.

90deqiqe.Az xəbər verir ki, 500 mütəxəssisdən ibarət reytinqdə Azərbaycandan dörd məşqçi mövcuddur.

Bu siyahıda yer alan yeganə azərbaycanlı məşqçi Qurban Qurbanovdur. "Qarabağ"ın baş məşqçisi 1658 xalla 140-cı sıradadır.

Azərbaycanda fəaliyyət göstərən məşqçilər arasında ən yüksək reytinqə "Turan Tovuz"un çalışdırıcısı Kurban Berdiyev malikdir. O, 1790 xalla 57-ci yerdədir.

Siyahıda, həmçinin portuqaliyalı mütəxəssis Fernando Santos da var. Onun xalı 1624-dür və 183-cü yerdədir.

"Neftçi" klubunun dünən istefa verdiyi Roman Qriqorçuk isə 1480 xalla dünyanın 414-cü məşqçisidir.

Siyahıya "Mançester Siti"nin baş məşqçisi Pep Qvardiola rəhbərlik edir. Onun 2239 xalı var. İkinci yerdə Antonio Conte (2089 xal), üçüncü yerdə isə Unai Emery (2071 xal) qərar tutub.