Qəbələdən darmadağın

Yeni mövsümə hazırlaşan “Qəbələ” növbəti yoxlama oyununa çıxıb.

Corner.az-ın məlumatına görə, Bakıda hazırlıq keçən “qırmızı-qaralar” I divizion təmsilçisi MOİK-lə üz-üzə gəlib və 6:0 hesabı ilə qələbə qazanıb. Qarşılaşma Bakıxanov qəsəbəsindəki İsmət Qayıbov adına təlim-məşq bazasında olub. Sənan Qurbanov zədəli futbolçular Davit Volkov, İvitsa Juniç, Ülvi İsgəndərov, Kristian Kouakou və Yusif Nəbiyev istisna olmaqla bütün oyunçulara bu matçda şans verib.

Xatırladaq ki, “Qəbələ” mövsümə avqustun 17-də “Sumqayıt”la ev oyunu ilə start verəcək.

9 avqust

Yoxlama oyunu

“Qəbələ” – MOİK – 6:0
Qollar: Klesio Bauk, 12, 55, 58, Fernan Lopez, 30, Merab Qiqauri, 48, Asif Məmmədov, 88