- Misli Premyer liqa
- 11:44 16.03.2026
"Turan Tovuz" komandası heyətini yeni oyunçu ilə gücləndirib.
Klubdan 90deqiqe.Az-a verilən məlumata görə, bölgə təmsilçisi “Sumqayıt”dan ayrılan Rəhim Sadıxovu transfer edib. 28 yaşlı yarımmüdafiəçi ilə 2026-2027-ci illər mövsümünün sonunadək müqavilə bağlanılıb.
Son olaraq “Sumqayıt”da forma geyinən futbolçu, ölkəmizdə “Zirə”, Rusiyada “Solyaris”, “Spartak-2” və “Torpedo” klublarının şərəfini qoruyub.
Rəhim Sadıxov əsas milli komandamızın heyətində 9 oyunda meydana çıxıb.
