“Səbail”dən qələbə, “Sabah” xal itirdi

Futbol üzrə Misli Premyer Liqasında XX turun növbəti oyunları baş tutub.

90deqiqe.Az xəbər verir ki, günün ilk matçı “Kəpəz” və “Səbail” kollektivləri arasında olub. Görüş Bakı təmsilçisinin minimal hesablı qələbəsi ilə başa çatıb.

Digər oyunda isə “Sabah” doğma meydanda “Sumqayıt”la üz-üzə gəlib. Bu görüşdə də qalib müəyyənləşməyib.

Bu nəticələrdən sonra "Sabah" 28 xalla 5-ci, "Sumqayıt" 27 xalla 6-cı, "Səbail" 15 xalla 9-cu, "Kəpəz" isə 14 xalla sonuncu - 10-cu pillədə yer alıb.

Qeyd edək ki, XX turun açılış matçında “Zirə” səfərdə “Şamaxı”nı 2:1 hesabı ilə məğlub edib. Tura yanvarın 26-da reallaşacaq iki oyunla yekun vurulacaq.