- Misli Premyer liqa
- 14:59 21.11.2024
Bu həftə Azərbaycan Premyer Liqasında yeni – 2019-20 mövsümü başlayacaq.
Corner.az xəbər verir ki, sayca 28-ci olan ölkə çempionatı “Qəbələ”nin tarixində 14-cü olacaq.
2006-cı ildə yüksək dəstədə debüt edən “qırmızı-qaralar” 13 çempionatı arxada qoyub. Bu müddətdə komanda 5 dəfə mükafatçılar sırasına düşüb. “Qəbələ”nin hesabında 2 gümüş (2016/17, 2017/18) və üç bürünc (2013/14, 2014/15, 2015/16) medal var.
Son 13 mövsümdə komanda 392 matça çıxıb. “Qəbələ” 161 qələbə qazanıb, 103 heç-heçə edib və 128 dəfə uduzub. Rəqib qapılarından 480 top keçirən qəbələlilər 409 qol buraxıblar.
2006/07 | 24 | 4 | 4 | 16 | 17-47 | 20 | XI yer |
2007/08 | 26 | 11 | 3 | 12 | 33-36 | 36 | VI yer |
2008/09 | 26 | 9 | 6 | 11 | 28-21 | 33 | X yer |
2009/10 | 32 | 13 | 10 | 9 | 36-36 | 49 | VI yer |
2010/11 | 32 | 13 | 12 | 7 | 31-18 | 51 | VII yer |
2011/12 | 32 | 15 | 7 | 10 | 43-32 | 52 | V yer |
2012/13 | 32 | 10 | 8 | 14 | 32-40 | 38 | VI yer |
2013/14 | 36 | 18 | 7 | 11 | 48-36 | 61 | III yer |
2014/15 | 32 | 15 | 9 | 8 | 46-35 | 54 | III yer |
2015/16 | 36 | 16 | 11 | 9 | 44-28 | 59 | III yer |
2016/17 | 28 | 14 | 10 | 4 | 46-21 | 52 | II yer |
2017/18 | 28 | 14 | 7 | 7 | 43-26 | 49 | II yer |
2018/19 | 28 | 9 | 9 | 10 | 31-33 | 36 | IV yer |
Bu 13 ildə 219 futbolçu “Qəbələ”nin şərəfini qoruyub. Ən çox oyun keçirən futbolçulardan beşi 100 matç səddini arxada qoyub: Urfan Abbasov - 177, Dodo - 131, Dmitri Bezotosnı - 117, Viktor Mendi – 112, Elvin Camalov – 111.
“Qəbələ”nin Premyer Liqadakı bombardiri Viktor Mendidi – 29 qol. Dodo 23, Baqali Dabo 20 dəfə rəqib qapısına yol tapıb.
“Qəbələ” arxada qalan 13 mövsümü 9 baş məşqçinin rəhbərliyi altında keçirib. Ramiz Məmmədov hamıdan çox – 118, ukraynalı Roman Qriqorçuk isə 108 matçda bu postda olub. 3-cü göstərici ingiltərəli Toni Adamsa məxsusdu – 44 oyun. Komandanın indiki məşqçisi Sənan Qurbanov 31 çempionat görüşündə “qırmızı-qaralar”a rəhbərlik edib. “Qırmızı-qaralar” 13 mövsüm ərzində 24 müxtəlif rəqiblə qarşılaşıb.
“Qəbələ” 7 dəfə mövsümə qələbə ilə başlayıb. Startda 4 heç-heçəsi olan komanda 2 dəfə ilk matçını uduzub. Son 3 çempionatda “qırmızı-qaralar” ilk turu qələbə ilə başa vurub. 2016-17 mövsümündə “Kəpəz”i 2:0, növbəti çempionatda “Keşlə”ni 2:1 hesabı ilə yenən komanda ötən il “Səbail”in qapısından üç cavabsız qol keçirib.
