Kəpəzlə MOİK mövsümə heç-heçə ilə başladılar

Azərbaycanın Birinci Divizionda yeni mövsümə start verilib.

Corner.az xəbər verir ki, ilk oyun günündə 3 görüş keçirilib.

“Qaradağ Lökbatan” doğma meydanda “Sumqayıt-2” ilə oyundan məğlub ayrılıb.

“Neftçi-2” – “Keşlə-2” və “Kəpəz” – MOİK oyunlarında isə heç-heçə qeydə alınıb.

Birinci Divizion
1-ci tur
22 avqust

“Qaradağ Lökbatan” – “Sumqayıt-2” 0:2
Qol: Baxşəli Baxşəliyev, 76. Elnur Cəfərov, 87.
Hakimlər: Rəşad Əhmədov, Vüqar Bayramov, Kamran Bayramov, Fərid Hacıyev.
Lökbatan Olimpiya İdman Kompleksinin stadionu.

“Neftçi-2” – “Keşlə-2” 1:1
Qol: Elnur Süleymanov, 77 – Elmir Rəhimzadə, 72-pen.
Hakimlər: Nicat İsmayıllı, Yaşar Abbasov, Kərim Zeynalov, Cahangir Yusifzadə.
Bakı. “ASK Arena”.

“Kəpəz” – MOİK 2:2
Qol: Novruz Məmmədov, 15; 72 – Orxan Həsənov, 5. Tural Qürbətov, 70.
Hakimlər: Rauf Allahverdiyev, Zöhrab Abbasov, Səbuhi Əmrahov, Namiq Bəkirov.
Gəncə şəhər stadionu.

Turun qalan görüşləri sabah keçiriləcək: “Zaqatala” – “Sabah-2”, “Zirə-2” – “Ağsu”, “Səbail-2” – “Turan Tovuz”.