Azərbaycan Premyer Liqasının 2-ci turunun açılış oyununda “Sumqayıt” bu gün öz meydanında “Səbail”lə qarşılaşacaq.
Corner.az xəbər verir ki, paytaxt təmsilçisi bu oyuna ciddi itkilərlə çıxacaq.
Belə ki, klubun mətbuat xidmətinin yaydığı məlumata görə, paytaxt klubun dörd futbolçusu Sumqayıtdakı qarşılaşmada komandasına kömək edə bilməyəcək.
Bunlar Aleksandr Rıbka, Eriko da Sila, Aqşin Qurbanlı və İqor Korotetskidi. Onların hamısı zədədən əziyyət çəkir. Digər futbolçular isə oyuna tam hazırdılar.
Qeyd edək ki, “Sumqayıt” - “Səbail” matçına saat 19:00-da start veriləcək.
