“Araz-Naxçıvan” daha iki futbolçu ilə yeni müqavilə imzalayıb

“Araz-Naxçıvan” klubu heyətini qorumaq istiqamətində daha bir addım atıb.

Klubdan 90deqiqe.Az-a verilən məlumata görə, komandanın üzvləri Ürfan Abbasov və Ülvü İsgəndərovla yeni müqavilə imzalanıb.

Hər iki futbolçu ilə bağlanmış yeni anlaşma 2025/2026-cı illər mövsümünün sonuna qədər qüvvədə olacaq. Müqavilələrin müddəti 1 il təşkil edir.

Qeyd edək ki, daha əvvəl “Araz-Naxçıvan” baş məşqçi Elmar Baxşıyev, eləcə də futbolçular İssof Paro, Ömər Buludov və qapıçılar Kristian Avram ilə Tərlan Əhmədli ilə də müqavilə müddətini uzatmışdı.

Klub mövsümə iddialı başlamaq üçün heyətində sabitliyi qorumağa çalışır.