Misli Premyer Liqasında mövsümün ilk xalları bölüşüldü

2025/2026 mövsümünün Misli Premyer Liqasına start verilib.

90deqiqe.Az xəbər verir ki, ilk turun açılış görüşündə “Karvan-Yevlax” Şamaxı şəhər stadionunda “Qəbələ”ni qəbul edib. FIFA referisi Əliyar Ağayevin idarə etdiyi qarşılaşma 1:1 hesabı ilə başa çatıb.

Oyunun bütün qolları ikinci hissədə vurulub. 54-cü dəqiqədə “Qəbələ”nin hücumçusu Domi Massumo hesabı açıb. Lakin 78-ci dəqiqədə komandanın müdafiəçisi Murad Musayev avtoqol edərək “Karvan-Yevlax”a bərabərlik gətirib.

Turun qalan oyunları 16, 17 və 19 avqustda keçiriləcək. Çempionlar Liqasındakı çıxışını davam etdirən “Qarabağ”ın “Sabah”la oyunu isə beynəlxalq oyun qaydalarına uyğun olaraq təxirə salınıb.