“Neftçi” ardıcıl ikinci dəfə xal itirdi

Misli Premyer Liqasının II turuna start verilib.

90deqiqe.Az-ın məlumatına görə, açılış oyununda “İmişli” Şamaxı şəhər stadionunda “Neftçi”ni qəbul edib. Görüşdə tərəflərin cəhdlərinə baxmayaraq, qapılara yol tapılmayıb və matç 0:0 hesabı ilə başa çatıb.

Bu nəticə ilə “Neftçi” ardıcıl ikinci dəfə heç-heçə oynayaraq xallar itirib. “İmişli” isə Premyer Liqada ilk xalını hanısına yazdırıb.

Turun növbəti qarşılaşmasında “Qarabağ” “Sumqayıt”la üz-üzə gələcək. Oyun bu gün saat 19:30-da “Azərsun Arena”da keçiriləcək. Digər görüşlər isə avqustun 23, 24 və 25-də baş tutacaq.