“Sumqayıt” qələbəni əldən verdi

Misli Premyer Liqasının III turunda “Sumqayıt” öz meydanında “Şamaxı”nı qəbul edib.

90deqiqe.Az xəbər verir ki, Mehdi Hüseynzadə adına şəhər stadionunda keçirilən qarşılaşma 1:1 hesabı ilə başa çatıb.

Matçın hesabı 63-cü dəqiqədə açılıb. Qonaqların futbolçusu Rikardo Apolinario öz qapısına qol vuraraq meydan sahiblərini önə keçirib. Lakin “Şamaxı” çox keçmədən hesabı bərabərləşdirib. 75-ci dəqiqədə Edqar Adilxanov komandasına 1 xal qazandıran qola imza atıb.

Bu nəticədən sonra hər iki komanda Premyer Liqada aktivlərinə bir xal əlavə edib. Qeyd edək ki, çempionatın III turuna avqustun 31-də yekun vurulacaq.