“Neftçi” səfərdə “Sumqayıt”ı məğlub edərək mövsümdə ilk qələbəsini qazandı

Misli Premyer Liqasının V turunun son matçında “Neftçi” səfərdə “Sumqayıt”ı 2:0 hesabı ilə üstələyib.

90deqiqe.Az-ın məlumatına görə, oyuna Mehdi Hüseynzadə adına Sumqayıt şəhər stadionu ev sahibliyi edib.

Qolları Ağadadaş Salyanski (79-cu dəqiqə) və Alessio Kurçi (90+2-ci dəqiqə) vurublar. Bu nəticə ilə Samir Abasovun komandası xalını 6-ya çatdıraraq turnir cədvəlinin 8-ci pilləsinə yüksəlib. “Sumqayıt” isə 10 xalla 2-ci sırada qərarlaşıb.

Qeyd edək ki, turun digər oyunlarında “İmişli” – “Karvan-Yevlax” 3:0, “Qəbələ” – “Kəpəz” 3:0, “Zirə” – “Şamaxı” 2:1, “Sabah” – “Turan Tovuz” 2:0, “Qarabağ” – “Araz-Naxçıvan” 5:0 nəticələri qeydə alınıb.