“Neftçi” evdə xal itirdi

Misli Premyer Liqasının VI turunda “Neftçi” doğma meydanda “Karvan-Yevlax”ı qəbul edib.

90deqiqe.Az xəbər verir ki, “Neftçi Arena”da baş tutan qarşılaşmada tərəflər qol vura bilməyib və oyun 0:0 hesablı heç-heçə ilə başa çatıb.

Nəticədən sonra xallarının sayını 7-yə yüksəldən “ağ-qaralar” turnir cədvəlində 8-ci pillədə qərarlaşıb. “Karvan-Yevlax” isə 5 xalla 10-cu sırada yer alıb.

Qeyd edək ki, turun digər oyunlarında “İmişli” – “Zirə” və “Şamaxı” – “Araz-Naxçıvan” matçları 1:1 hesablı bərabərliklə nəticələnib. “Qarabağ” isə “Qəbələ” üzərində 2:0 hesablı qələbə qazanıb.