“Turan Tovuz” “Kəpəz”i darmadağın etdi

Misli Premyer Liqasının VI turunda “Turan Tovuz” Gəncənin “Kəpəz” komandasını məğlub edib.

90deqiqe.Az-ın məlumatına görə, “Azərsun Arena”da keçirilən görüşdə Tovuz təmsilçisi rəqibini 3:0 hesabı ilə üstələyib. Qolları 32-ci dəqiqədə Aleks Souza, 36-cı dəqiqədə Joarlem Santos və ikinci hissənin əvvəlində, 46-cı dəqiqədə Filip Ozobiç vurublar.

Bu qələbədən sonra “Turan Tovuz”un xal sayı 12-yə yüksəlib. “Kəpəz” isə hələ də xalsızdır.

Turun əvvəlki oyunlarında “İmişli” – “Zirə” (1:1), “Şamaxı” – “Araz-Naxçıvan” (1:1), “Neftçi” – “Karvan-Yevlax” (0:0) heç-heçə ediblər. “Qarabağ” isə “Qəbələ” üzərində 2:0 hesablı qələbə qazanıb.