“Sabah” səfərdə “Karvan-Yevlax”ı məğlub etdi

Misli Premyer Liqasının VII turunda “Sabah” komandası səfərdə “Karvan-Yevlax” üzərində 2:0 hesablı qələbə qazanıb.

90deqiqe.Az-ın məlumatına görə, Şamaxı şəhər stadionunda keçirilən qarşılaşmada Bakının təmsilçisi Coy-Lens Mikels və Kahim Parrisin qolları ilə fərqlənib.

Bu nəticədən sonra “Karvan-Yevlax” 5 xalla 10-cu, “Sabah” isə 11 xalla 5-ci pillədə qərarlaşıb. Bakı klubunun ehtiyatda bir oyunu qalıb.

Tura Qəbələdə yekun vurulacaq. Saat 17:30-da “Qəbələ” “Şamaxı” ilə qarşılaşacaq.

Qeyd edək ki, turun əvvəlki oyunlarında “Araz-Naxçıvan” “İmişli”ni 2:0, “Qarabağ” “Kəpəz”i 1:0, “Turan Tovuz” isə “Sumqayıt”ı 3:0 hesabı ilə məğlub edib. “Zirə” və “Neftçi” komandalarının görüşü isə 2:2 hesabı ilə yekunlaşıb.