Azərbaycan Kubokunda 2025/2026 mövsümünə start verildi

Futbol üzrə Azərbaycan Kubokunun 2025/2026-cı illər mövsümünə start verilib.

 90deqiqe.Az-ın məlumatına görə,turnirin I təsnifat mərhələsinin ilk oyun günündə dörd qarşılaşma baş tutub.

Günün ən məhsuldar görüşü “Qaradağ Lökbatan” və “Ağdaş” komandaları arasında qeydə alınıb. Paytaxt təmsilçisi rəqibini 8:0 hesabı ilə darmadağın edərək növbəti mərhələyə yüksəlib. “Dinamo” da çətin oyunda “Kür-Araz” üzərində 3:2 hesablı qələbə qazanıb. “Şəki Siti” “Araz Saatlı”nı məğlub edib, “Ağstafa Gəncləri” isə “Şirvan”a 1:0 hesabı ilə qalib gələrək II raunda adlayıb.

Qeyd edək ki, I təsnifat mərhələsinin digər iki qarşılaşması oktyabrın 10-da keçiriləcək.