“İmişli” “Qəbələ” ilə bərabərə qaldı

Misli Premyer Liqasının VIII turu çərçivəsində daha bir qarşılaşma keçirilib.

90deqiqe.Az xəbər verir ki, “İmişli” Qubada “Qəbələ” komandasını qəbul edib.

Quba Olimpiya İdman Kompleksinin stadionunda baş tutan oyun 2:2 hesabı ilə başa çatıb. Gərgin mübarizə şəraitində keçən görüşdə komandalar xalları bölüşüblər.

Bu nəticədən sonra “İmişli”nin aktivində 9 xal var və komanda turnir cədvəlində 8-ci pillədə qərarlaşıb. “Qəbələ” isə 5 xalla 10-cu yerdədir.

Qeyd edək ki, turun dünən keçirilən oyunlarında “Kəpəz” “Şamaxı”nı 4:1, “Qarabağ” isə “Turan Tovuz”u 2:1 hesabı ilə məğlub edib. VIII tura oktyabrın 19-da yekun vurulacaq.