“Zirə” doğma meydanda “Sumqayıt”a qalib gəlib

Misli Premyer Liqasının IX turunda maraqlı oyunlardan biri “Zirə” ilə “Sumqayıt” arasında keçirilib.

90deqiqe.Az-ın məlumatına görə, doğma meydanda çıxış edən paytaxt klubu rəqibini 1:0 hesabı ilə məğlub edib. Qələbə qoluna Brahim Konate 37-ci dəqiqədə imza atıb.

Bu nəticə ilə “Zirə” xallarını 16-ya çatdıraraq ilk üçlüyə daxil olub. “Sumqayıt” isə 14 xalla altıncı pillədə yer alıb.

Daha əvvəl günün ilk matçında “Sabah” və “Araz-Naxçıvan” 2:2 hesablı bərabərliyə razılaşıblar.

Xatırladaq ki, ötən gün “Turan Tovuz” – “Karvan-Yevlax” (2:1) və “İmişli” – “Kəpəz” (3:0) oyunları başa çatıb. IX turun son qarşılaşması oktyabrın 26-da oynanılacaq.