Futbolçuları inandırmağa çalışdıq ki... - Elmar Baxşiyev

Sabah yaxşı oyunçulardan təşkil olunmuş komandadı. Bizim üçün asan olmadı".

Corner.az-ın məlumatına görə, bunu "Qəbələ"nin baş məşqçisi Elmar Baxşiyev Premyer Liqanın IV turunda səfərdə "Sabah"ı 1:0 hesabı ilə qalib gəldikləri oyundan sonra söyləyib.

"Qəbələ"nin sükanı arxasında debüt edən 39 yaşlı mütəxəssis bildirib ki, milli komandaların oyunları ilə əlaqədar yaranmış fasilə komandası üçün faydalı olub: "Fasilədə həm fiziki, həm taktiki, həm də psixoloji baxımdan vəziyyəti düşünməyə çalışdıq. Qısa müddətdə yanaşma dəyişdi. Sabiq baş məşqçi Sənan Qurbanov uşaqlıqdan bir yerdə oynadığım, daha sonra birgə çalışdığım şəxsdi. Sabah necə olacaq, heç kim bilmir. Futbolçuları inandırmağa çalışdıq ki, heç kimdən zəif deyilsiniz".