“Kəpəz” və “Qarabağ"dan qələbə - YENİLƏNİB

Futbol üzrə Misli Premyer Liqasının XII turuna start verilib.

90deqiqe.Az xəbər verir ki, turun açılış matçında “Karvan-Yevlax” öz meydanında “Kəpəz”i qəbul edib. Yevlaxdakı görüş Gəncə klubunun 2:1 hesablı qələbəsi ilə nəticələnib. Bu qələbə ilə xallarını 6-ya yüksəldən “Kəpəz” 11-ci pilləyə qalxıb. “Karvan-Yevlax” isə 5 xalla turnir cədvəlinin sonuncu – 12-ci yerinə enib.

Günün digər qarşılaşmasında “Sumqayıt” doğma arenada “Qarabağ”la üz-üzə gəlib. Gərgin mübarizə şəraitində keçən oyun Ağdam təmsilçisinin 4:2 hesablı qələbəsi ilə tamamlanıb. “Qarabağ” 26 xalla liderliyini davam etdirir, “Sumqayıt” isə 20 xalla 5-ci pillədə qərarlaşıb.

Qeyd edək ki, XII tura noyabrın 23-də yekun vurulacaq.