“Sabah” səfərdə “İmişli”ni məğlub etdi

Misli Premyer Liqasının XIII turunda “Sabah” səfərdə “İmişli”nin qonağı olub.

90deqiqe.Az xəbər verir ki, Quba Olimpiya İdman Kompleksində keçirilən oyunda “bayquşlar” rəqibini 3:0 hesabı ilə məğlub edib.

“Sabah”ın qollarını Amin Seydiyev (54-cü dəqiqə), Stiv Solvet (60) və Kahim Parris (90+3) vurub.

Bu nəticədən sonra “Sabah” 25 xalla turnir cədvəlində üçüncü pilləyə yüksəlib. “İmişli” isə 15 xalla səkkizinci sıradadır.

Turnirin əvvəlki oyunlarında “Zirə” “Kəpəz”i 2:0 hesabı ilə məğlub edib, “Turan-Tovuz” – “Neftçi” görüşündə isə hesab dəyişməyib. Tur noyabrın 30-da yekunlaşacaq.