“Qarabağ” evdə “Karvan-Yevlax”ı məğlub etdi

Misli Premyer Liqasının XIII turunda “Qarabağ” “Azərsun Arena”da “Karvan-Yevlax”ı qəbul edib.

90deqiqe.Az-ın məlumatına görə, matç Ağdam klubunun 2:0 hesablı qələbəsi ilə başa çatıb.

Emanuel Addai 79-cu, Nəriman Axundzadə isə 89-cu dəqiqədə fərqlənərək komandasına növbəti üç xal qazandırıblar.

Bu qələbədən sonra “Qarabağ” 29 xalla turnir cədvəlinə başçılıq edir. 5 xalı olan “Karvan-Yevlax” isə sonuncu – 12-ci pillədə qərarlaşıb.

Turun digər oyunlarında “Zirə” “Kəpəz”i 2:0, “Sabah” isə “İmişli”ni 3:0 hesabı ilə məğlub edib. “Turan-Tovuz” – “Neftçi” qarşılaşması isə qolsuz yekunlaşıb.

Tura noyabrın 30-da yekun vurulacaq.