Azərbaycan Kubokunda 1/4 finalın daha iki iştirakçısı bəlli olub

Azərbaycan Kubokunun 1/8 final mərhələsində daha bir qarşılaşmaya yekun vurulub.

90deqiqe.Az xəbər verir ki, “Şamaxı” öz meydanında “Baku Sportinq”i qəbul edib və minimal hesabla qələbə qazanıb. Matçın yeganə qolunu 69-cu dəqiqədə Abdullahi Şuaybu vurub. Bu nəticə ilə “Şamaxı” 1/4 finala adlayıb və növbəti mərhələdə “Qarabağ” – “Karvan-Yevlax” cütünün qalibi ilə üz-üzə gələcək.

Günün digər görüşündə “İmişli” – “Sabah” oyununun əsas vaxtı 1:1 hesabı ilə başa çatdığından, komandalar əlavə vaxta yollanıb. Paytaxt təmsilçisi əlavə vaxtda vurduğu qol sayəsində mərhələ adlamağı bacarıb. Valdas Dambrauskasın rəhbərlik etdiyi komanda 1/4 finalda “Qəbələ” – “Şəfa” duelinin qalibi ilə qarşılaşacaq.

Qeyd edək ki, ötən gün keçirilən oyunlardan sonra “Turan Tovuz” və “Zirə” də 1/4 final mərhələsinə vəsiqə qazanıblar. Azərbaycan Kubokunun 1/8 finalına dekabrın 4-də yekun vurulacaq.