“Şamaxı” “Zirə”ni məğlub etdi

Misli Premyer Liqasında XV tura start verilib.

90deqiqe.Az xəbər verir ki, turun ilk oyununda “Şamaxı” doğma meydanda “Zirə”ni 2:1 hesabı ilə məğlub edib. Qarşılaşmada hesabı 8-ci dəqiqədə qonaqların futbolçusu Georgi Papunaşvili açıb. Meydan sahibləri isə fasilədən sonra üstünlüyü ələ alıblar. Alfons Msanqa 54-cü dəqiqədə tarazlığı bərpa edib, 61-ci dəqiqədə isə Karim Rossi penaltidən fərqlənərək komandasına qələbə qazandırıb.

Bu nəticədən sonra “Şamaxı” 20 xalla turnir cədvəlində 7-ci pilləyə yüksəlib. “Zirə” isə 27 xalla üçüncü yerdə qərarlaşıb.

Günün ikinci oyununda “Turan Tovuz” doğma azarkeşlər önündə “Sabah”la üz-üzə gələcək.

Qeyd edək ki, Misli Premyer Liqasında XV turun qarşılaşmalarına dekabrın 15-də yekun vurulacaq.