- Misli Premyer liqa
- 12:37 16.08.2026
Rüstəm Əhmədzadə Premyer Liqada 100-cü oyununu keçirib.
90deqiqe.Az Peşəkar Futbol Liqasına istinadən xəbər verir ki, “Sumqayıt”ın yarımmüdafiəçisinin yubileyi Misli Premyer Liqasının XV turuna təsadüf edib. 25 yaşlı futbolçu “Neftçi” ilə qarşılaşmaya (2:2) start heyətində çıxıb.
O, 100 matçda 10 qola imza atıb. Debütü 2021/22 mövsümünə təsadüf edən Əhmədzadə üç klubun formasını geyinib. O, “Zirə”də 80 (6 qol), “Sumqayıt”da 14 (4 qol), “Qarabağ”da 6 dəfə şans qazanıb.
Qeyd edək ki, Rüstəm turnirin tarixində 100 və daha çox oyun keçirən 450-ci futbolçu olub.
