"Sabah" "Qarabağ"ı məğlub edərək turnir cədvəlinin lideri oldu

Misli Premyer Liqasında I turdan təxirə salınmış oyunda "Sabah" ölkə çempionu "Qarabağ"ı qəbul edib.

90deqiqe.Az xəbər verir ki, "Bank Respublika Arena"da keçirilən qarşılaşma meydan sahiblərinin 2:1 hesablı qələbəsi ilə başa çatıb.

Oyunda hesabı 9-cu dəqiqədə "Qarabağ"ın futbolçusu Leandro Andrade açıb. Fasilədən sonra "Sabah" üstünlüyü ələ alıb. 52-ci dəqiqədə Coy Lens Mikels tarazlığı bərpa edib. Qarşılaşmanın sonlarına yaxın, 88-ci dəqiqədə Aron Maluda qələbə qolunu vuraraq komandasına üç xal qazandırıb.

Bu nəticədən sonra "Sabah" 34 xalla turnir cədvəlinin lideri olub. 33 xala malik "Qarabağ" isə ikinci pillədə qərarlaşıb.