“Qarabağ” “Qəbələ”ni, “Araz-Naxçıvan” “Şamaxı”nı məğlub etdi

Futbol üzrə Misli Premyer Liqasında XVI turun daha iki qarşılaşması keçirilib.

90deqiqe.Az xəbər verir ki, turun səfər oyununda “Qarabağ” “Qəbələ”nin qonağı olub və qarşılaşmadan 2:1 hesablı qələbə ilə ayrılıb. Digər oyunda isə “Araz-Naxçıvan” öz meydanında “Şamaxı”nı 2:0 hesabı ilə məğlub edib.

Bu nəticələrdən sonra Ağdam təmsilçisi 36 xalla turnir cədvəlinin lideri mövqeyini möhkəmlədib. “Qəbələ” 8 xalla 11-ci, “Araz-Naxçıvan” 26 xalla 6-cı, “Şamaxı” isə 20 xalla 7-ci pillədə qərarlaşıb.

Qeyd edək ki, Misli Premyer Liqasının XVI turuna dekabrın 22-də keçiriləcək “Sumqayıt” – “Sabah” matçı ilə yekun vurulacaq.