“Qarabağ” Polşa klubuna qalib gəldi

Türkiyədə təlim-məşq toplanışını davam etdirən “Qarabağ” növbəti yoxlama oyununda da qələbə qazanıb.

90deqiqe.Az xəbər verir ki, Qurban Qurbanovun baş məşqçisi olduğu Ağdam təmsilçisi Polşanın “Zaqlembe” klubu ilə qarşılaşıb. Görüş “Qarabağ”ın 3:1 hesablı qələbəsi ilə yekunlaşıb.

Azərbaycan çempionunun heyətində qollara Leandro Andrade (6-cı dəqiqə), Abdullah Zubir (56-cı dəqiqə) və Joni Montiel (69-cu dəqiqə) imza atıblar.

Qeyd edək ki, “Qarabağ” daha əvvəl toplanış çərçivəsində Özbəkistanın “Neftçi” klubunu 5:0 hesabı ilə məğlub edib, Xorvatiyanın “Osiyek” komandasına isə 3:1 hesabı ilə qalib gəlib.