"Neftçi" Çin klubunu məğlub edib

Birləşmiş Ərəb Əmirliklərinin paytaxtı Əbu-Dabidə təlim-məşq toplanışını başa vuran “Neftçi” son yoxlama oyununu keçirib.

90deqiqe.Az xəbər verir ki, Bakı təmsilçisi Çinin “Çenqdu Ronqçenq” klubu ilə qarşılaşıb. Görüş “ağ-qaralar”ın 3:1 hesablı qələbəsi ilə yekunlaşıb.

“Neftçi”nin heyətində qollara Andrey Ştoqrin (9-cu dəqiqə), Bassala Sambu (29-cu dəqiqə) və İqor Ribeyro (53-cü dəqiqə) imza atıblar.

Qeyd edək ki, “ağ-qaralar” toplanış çərçivəsində daha əvvəl Misirin “Piramids” klubu ilə 1:1 hesablı heç-heçə edib, Qazaxıstanın “Kayrat” komandasını isə 3:0 hesabı ilə məğlub edib.