"Qarabağ" Xaymenin durumunu açıqladı - İspaniyaya gedir

Azərbaycan Premyer Liqasının 5-ci turunda dünən "Zirə" ilə matçda zədələnən "Qarabağ"ın futbolçusu Xayme Romero bu gün tibbi müayinədən keçib.

Corner.az-ın klubun rəsmi "Feysbuk" səhifəsinə istinadən  xəbərinə görə, ispan yarımmüdafiəçinin çiyin bağlarından biri qırılıb və digəri isə zədələnib. Xaymenin 10-15 gün yaşıl meydanlardan uzaq qalacağı gözlənilir. Bu isə o deməkdir ki, 29 yaşlı oyunçu ölkə çempionatında "Sumqayıt" (27 sentyabr) və Avroliqanın qrup mərhələsinin 2-ci turunda "Düdelanj"la (3 oktyabr) görüşləri dəqiq buraxacaq.

Futbolçu bu gün tibbi yoxlanış üçün İspaniyaya yollanacaq.