“Turan Tovuz” Şamaxıda xal itirdi

Misli Premyer Liqasının XX turunda “Turan Tovuz” səfərdə “Şamaxı” ilə üz-üzə gəlib.

90deqiqe.Az-ın məlumata görə, Şamaxı şəhər stadionunda keçirilən qarşılaşmada hesab açılmayıb – 0:0.

Bu nəticədən sonra bir oyun az keçirən “Turan Tovuz” xallarının sayını 34-ə çatdıraraq turnir cədvəlinin 4-cü pilləsində qərarlaşıb. “Şamaxı” isə 24 xalla 8-ci sırada yer alır.

Turun ikinci oyununda “Sabah” səfərdə “Qəbələ”nin qonağı olacaq.

Qeyd edək ki, XX turun əvvəlki matçlarında “Qarabağ” “İmişli”ni, “Zirə” “Karvan-Yevlax”ı, “Araz-Naxçıvan” “Sumqayıt”ı 1:0, “Neftçi” isə “Kəpəz”i 3:1 hesabı ilə məğlub edib.