Kapitan Premyer Liqada 200-ə çatdı

Azərbaycan Premyer Liqasının V turu “Qarabağ”ın müdafiəçisi Rəşad Sadıqov üçün əlamətdar olub.

Corner.az xəbər verir ki, 37 yaşlı futbolçu Ağdam klubunun heyətində 200-cü çempionat oyununa çıxıb.

Bu, təcrübəli futbolçunun mövsümdə ilk qarşılaşması olub. Karyerası ərzində “Turan” və “Neftçi”də də çıxış edən Sadıqov 2009/10 mövsümündən “Qarabağ”ın şərəfini qoruyur. Bu müddətdə 8 qol vuran futbolçu Ağdam klubunun tarixinə ölkə çempionatlarında 200 və daha çox oyun keçirən 10-cu futbolçu kimi düşüb.

Qeyd edək ki, Rəşad bir müddət öncə “Qarabağ”da ümumilikdə bütün turnirlər nəzərə alınmaqla 300-cü matçını keçirib. Bu, Çempionlar Liqasının “Partizani” ilə Tiranadakı qarşılaşmasına təsadüf edib.