“Kəpəz” “Sumqayıt”ı darmadağın etdi

Misli Premyer Liqasında XXII turun növbəti oyunu keçirilib.

90deqiqe.Az xəbər verir ki, Yevlax şəhər stadionunda baş tutan qarşılaşmada "Kəpəz" doğma azarkeşləri önündə "Sumqayıt" üzərində inamlı qələbə qazanıb – 3:0.

Gəncə təmsilçisi hesabı erkən dəqiqələrdə açıb. Oyunun 2-ci dəqiqəsində Ryonosuke Ohori fərqlənib. İlk hissədə üstünlüyünü davam etdirən meydan sahibləri 19-cu dəqiqədə Luis Paçunun qolu ilə fərqi artırıblar. 40-cı dəqiqədə isə həmin futbolçu penaltidən dəqiq zərbə ilə özünün ikinci, komandasının üçüncü qolunu vurub.

“Kəpəz” matçı azlıqda başa vurub. Belə ki, 62-ci dəqiqədə Nikola Ninkoviç ikinci sarı vərəqəni alaraq meydandan qovulub.

Bu qələbədən sonra xallarının sayını 16-ya çatdıran “Gənclik şəhəri” təmsilçisi turnir cədvəlində 10-cu pilləyə yüksəlib. 31 xalı olan “Sumqayıt” isə 6-cı sıradadır.

Qeyd edək ki, turun son oyunları martın 1-də keçiriləcək.