“Zirə” “Araz-Naxçıvan”ı məğlub etdi

Misli Premyer Liqasında XXII turun növbəti oyunu keçirilib.

90deqiqe.Az xəbər verir ki, Misli Premyer Liqası çərçivəsində "Araz-Naxçıvan" doğma meydanda "Zirə"ni qəbul edib. "Liv Bona Dea Arena"da baş tutan qarşılaşma qonaqların minimal hesablı qələbəsi ilə yekunlaşıb – 0:1.

Görüşdə yeganə qol 67-ci dəqiqədə vurulub. Ayron Qomis fərqlənərək “qartallar”a üç xal qazandırıb.

Bu nəticədən sonra “Zirə” xallarının sayını 38-ə yüksəldib və turnir cədvəlinin dördüncü pilləsində mövqeyini möhkəmləndirib. “Araz-Naxçıvan” isə 33 xalla beşinci sırada qalıb.

Qeyd edək ki, turun açılış matçında "Kəpəz" "Sumqayıt"ı 3:0 hesabı ilə məğlub edib. XXII tura martın 1-də yekun vurulacaq.