“Qarabağ” “Şamaxı”nı mübarizədən kənarlaşdırdı

Futbol üzrə Azərbaycan Kubokunda 1/4 final mərhələsinin daha bir cavab oyunu keçirilib.

90deqiqe.Az-ın məlumatına görə,  "Qarabağ" öz meydanında "Şamaxı" komandasını qəbul edib. Tofiq Bəhramov adına Respublika stadionunda baş tutan qarşılaşma Ağdam təmsilçisinin 3:1 hesablı qələbəsi ilə yekunlaşıb.

Bununla da baş məşqçisi Qurban Qurbanov olan kollektiv Azərbaycan Kubokunda yarımfinal mərhələsinə vəsiqə qazanıb.

Qeyd edək ki, komandalar arasında Şamaxıda keçirilən ilk oyunda meydan sahibləri 2:1 hesabı ilə qalib gəlmişdi.

Xatırladaq ki, 1/4 final mərhələsinin digər cavab qarşılaşmaları martın 5-də keçiriləcək. Kubokun ilk yarımfinalçısı isə "Zirə" olub.