“Turan Tovuz” yarımfinala yüksəldi

Futbol üzrə Azərbaycan Kubokunun 1/4 final mərhələsində daha bir cavabsız oyun baş tutub.

90deqiqe.Az xəbər verir ki, Yevlax şəhər stadionunda keçirilən qarşılaşmada “Kəpəz” öz meydanında “Turan Tovuz”u qəbul edib. Oyun qonaqların 2 cavabsız qolu ilə yekunlaşıb.

Qeyd edək ki, komandalar arasında ilk qarşılaşmada Tovuz klubu 1:0 hesabı ilə qalib gəlib. Bu nəticə ilə Kurban Berdiyevin rəhbərlik etdiyi kollektiv adını yarımfinala yazdırıb.

Bu gün digər 1/4 final oyunu çərçivəsində “Sabah” komandası “Qəbələ”nin qonağı olacaq. Qəbələ şəhər stadionunda keçiriləcək görüş saat 18:00-da start götürəcək. İlk qarşılaşmada komandalar qapılara qol vura bilməyib.

Qeyd edək ki, daha əvvəl “Zirə” və “Qarabağ” komandaları da yarımfinala vəsiqə qazanıblar.