“Sabah” yarımfinala yüksələn sonuncu komanda oldu

Futbol üzrə Azərbaycan Kubokunda yarımfinal mərhələsinin sonuncu iştirakçısı məlum olub.

90deqiqe.Az xəbər verir ki, cavab oyununda səfərdə "Qəbələ" üzərində qələbə qazanan "Sabah" yarımfinala vəsiqə əldə edib.

Görüşün əsas vaxtı 2:2 hesablı heç-heçə ilə başa çatıb. İlk matçda isə qolsuz bərabərlik qeydə alındığından əlavə vaxt oynanılıb. Əlavə 30 dəqiqədə tərəflər hərəyə bir dəfə fərqlənsələr də, ümumi hesab bərabər qalıb. Qalibin müəyyən edilməsi üçün penalti zərbələrinə keçilib və burada 4:2 hesabı ilə üstün olan “Sabah” final yolunda “Qarabağ”la qarşılaşacaq.

Yarımfinalın digər görüşündə "Zirə" və "Turan Tovuz" üz-üzə gələcək.