“Sabah” “Qəbələ”ni darmadağın etdi

Futbol üzrə Misli Premyer Liqasında XXIII turun oyunları başa çatıb.

90deqiqe.Az xəbər verir ki, turun son qarşılaşmasında turnir cədvəlinin lideri “Sabah” öz meydanında “Qəbələ”ni qəbul edib. Görüş meydan sahiblərinin böyük hesablı qələbəsi ilə yekunlaşıb – 7:1.

Bu nəticədən sonra xallarının sayını 56-ya çatdıran “Sabah” turnir cədvəlində liderliyini daha da möhkəmləndirib. 16 xalı olan “Qəbələ” isə 11-ci pillədə qərarlaşıb.

Qeyd edək ki, turun əvvəlki oyunlarında “Şamaxı” – “İmişli” matçı qolsuz bərabərliklə başa çatıb. “Karvan-Yevlax” – “Sumqayıt” görüşündə 1:1 hesablı heç-heçə qeydə alınıb, “Zirə” – “Kəpəz” qarşılaşması isə 2:2 hesabı ilə nəticələnib.

Tur çərçivəsində “Qarabağ” “Araz-Naxçıvan” üzərində 6:0 hesablı qələbə qazanıb, “Turan Tovuz” isə “Neftçi”ni 1:0 hesabı ilə məğlub edib.