“Neftçi” 3 xalı 3 qolla qazandı

Futbol üzrə Misli Premyer Liqasında XXVI turun daha bir oyunu keçirilib.

90deqiqe.Az xəbər verir ki, günün ikinci matçı Sumqayıtda “Sumqayıt” və “Neftçi” komandaları arasında baş tutub. Mehdi Hüseynzadə adına şəhər stadionunda keçirilən görüşdə paytaxt təmsilçisi 3:1 hesabı ilə qələbə qazanıb.

Qalib komandanın heyətində qolları Freddi Varqas, İfeanyi Metyu və Vensan Abubakar vurublar. Meydan sahiblərində isə Nikola Ninkoviç fərqlənib.

Bu nəticədən sonra xallarının sayını 40-a çatdıran “Neftçi” 5-ci, “Sumqayıt” isə 32 xalla 7-ci pillədə qərarlaşıb.

Günün ilk matçında “Qəbələ” “Kəpəz”i 2 cavabsız qolla məğlub edib. Tur çərçivəsində digər oyunlar isə aprelin 6-7-də keçiriləcək.