“Turan Tovuz”dan vacib qələbə

Futbol üzrə Azərbaycan Premyer Liqasında XXVII tura yekun vurulub.

90deqiqe.Az-ın məlumatına görə, turun bağlanış oyununda “Turan Tovuz” öz meydanında “Sumqayıt”ı qəbul edib və 2:1 hesabı ilə qələbə qazanıb. Qarşılaşma Tovuz şəhər stadionunda keçirilib.

Bu nəticədən sonra “Turan Tovuz” xallarını 52-yə yüksəldərək turnir cədvəlində 3-cü pillədə mövqeyini möhkəmləndirib. “Sumqayıt” isə 32 xalla 8-ci sırada qərarlaşıb.

Qeyd edək ki, turun əvvəlki oyunlarında “Karvan-Yevlax” “Kəpəz”i 4:1, “Neftçi” “Araz-Naxçıvan”ı 2:1, “İmişli” “Qəbələ”ni 1:0 hesabı ilə məğlub edib. “Sabah” – “Zirə” (2:2) və “Şamaxı” – “Qarabağ” (0:0) görüşlərində isə qalib müəyyənləşməyib.