“Səhvlərə göz yummaq olmaz”

“Qarabağ”ın baş məşqçisi Qurban Qurbanov Azərbaycan Premyer Liqasının XXVIII turunda “Sabah”a 0:1 hesabı ilə məğlub olduqları oyundan sonra fikirlərini bölüşüb.

90deqiqe.Az-ın məlumatına görə, mütəxəssis rəqibi təbrik edib:

“Rəqibi qələbə münasibətilə təbrik edirəm. Meydanda gözəl atmosfer var idi. “Sabah” layiqli qələbə qazandı.”

Qurbanov komandasının çıxışına da toxunub:

“Daha yaxşı oynaya bilərdik. Müəyyən çatışmazlıqlar var. Çempionlar Liqasından sonra yerli liqaya tam köklənə bilmədik. Ardıcıl oyunlar bizə təsir etdi. “Sabah” isə texniki və fiziki baxımdan daha hazır idi.”

Baş məşqçi Elvin Cəfərquliyevin vəziyyəti ilə bağlı da danışıb:

“Biz də futbolçu vaxtı səhvlər etmişik. Əsas odur ki, onlardan dərs çıxaraq. Elvin Çempionlar Liqasında turun oyunçusu seçilmişdi. Məğlub olsaq da, sonadək mübarizə aparmalıyıq. Bura “Qarabağ”dır, səhvlərə göz yummaq olmaz. Futbolçularımın həyat tərzinə daha çox diqqət etməliyəm.”