AFFA “Zirə” – “Neftçi” matçındakı qolun qayda pozuntusu ilə vurulduğunu açıqladı

AFFA Hakimlər Komitəsinin sədri Rəhim Həsənov Misli Premyer Liqasının XXVIII turunda “Zirə” – “Neftçi” oyununda mübahisəli epizoda münasibət bildirib.

90deqiqe.Az xəbər verir ki, o, AFFA-nın mətbuat xidmətinə açıqlamasında “Zirə”nin vurduğu qolun qaydalar çərçivəsində qeydə alınmadığını təsdiqləyib. Bildirilib ki, həmin epizodda oyundan kənar vəziyyət olub.

Qarşılaşmanın baş hakimi İnqilab Məmmədov olub. VAR hakimi funksiyasını isə Nicat İsmayıllı yerinə yetirib.

Xatırladaq ki, oyun 1:1 hesabı ilə başa çatıb. “Zirə”nin futbolçusu Brahim Konate əlavə dəqiqələrdə hesabı bərabərləşdirən qola imza atıb.