- Misli Premyer liqa
- 21:00 21.04.2026
“Kəpəz” futbol klubu akademiyasının iki yetirməsi ilə peşəkar müqavilə imzalayıb.
90deqiqe.Az-ın məlumatına görə, Gəncə təmsilçisi 16 yaşlı Raul İsaqov və 19 yaşlı Şahnur İsmayılovla uzunmüddətli sözləşməyə imza atıb. Müqavilənin müddəti 2029-cu ilin yayına qədər nəzərdə tutulub.
Hücumameyilli yarımmüdafiəçi mövqeyində çıxış edən Raul İsaqov hazırda klubun U-17, U-19 və əvəzedici komandalarında forma geyinir.
Şahnur İsmayılov isə yarımmüdafiənin mərkəzində çıxış edir və U-19 ilə yanaşı, əvəzedici heyətdə də mütəmadi olaraq şans qazanır.
