“Sumqayıt” səfərdə “İmişli”ni məğlub etdi

Misli Premyer Liqasında XXIX turun açılış oyunu keçirilib.

90deqiqe.Az xəbər verir ki, turun ilk qarşılaşmasında “İmişli” doğma meydanda “Sumqayıt”ı qəbul edib. Quba Olimpiya İdman Kompleksində baş tutan görüş qonaqların 2:0 hesablı qələbəsi ilə yekunlaşıb.

Matçın qəhrəmanı olan Aleksandr Ramalinqom 34-cü və 85-ci dəqiqələrdə fərqlənərək dubla imza atıb.

Bu nəticədən sonra “Sumqayıt” xallarının sayını 38-ə çatdıraraq turnir cədvəlində 7-ci pilləyə yüksəlib. 29 xalı olan “İmişli” isə 9-cu sırada qərarlaşıb.

Qeyd edək ki, turun digər oyunları davam edir və XXIX tura aprelin 27-də yekun vurulacaq.