“Qəbələ” evdə “Araz-Naxçıvan"la heç-heçə etdi

Misli Premyer Liqasının XXIX turunda daha bir qarşılaşma keçirilib.

90deqiqe.Az-ın məlumatına görə, günün ikinci oyununda “Qəbələ” öz meydanında “Araz-Naxçıvan”ı qəbul edib.

Qəbələ şəhər stadionunda baş tutan görüş 1:1 hesablı heç-heçə ilə yekunlaşıb.

Qonaqlar 76-cı dəqiqədə rəqib futbolçunun avtoqolu ilə hesabda önə keçiblər. Lakin 83-cü dəqiqədə İssuf Paro tarazlığı bərpa edib.

Bu nəticədən sonra “Araz-Naxçıvan” 40 xalla turnir cədvəlində 6-cı pillədə qərarlaşıb. “Qəbələ” isə 20 xalla 11-ci sıradadır.

Qeyd edək ki, turun ilk matçında “Sumqayıt” “İmişli” üzərində 2:0 hesablı qələbə qazanıb.

XXIX tura aprelin 27-də yekun vurulacaq.