- Misli Premyer liqa
- 21:37 18.09.2026
Misli Premyer Liqasının XXI turundan təxirə salınmış “Neftçi” – “Qarabağ” qarşılaşmasının hakim təyinatları müəyyənləşib.
90deqiqe.Az-ın məlumatına görə, görüşün baş hakimi Kamranbəy Rəhimov olacaq. Ona yan xətt hakimləri Rəhman İmami və Müslüm Əliyev kömək edəcəklər.
Dördüncü hakim funksiyasını Rəşad Əhmədov yerinə yetirəcək. VAR hakimi kimi Elçin Məsiyev təyin olunub, AVAR-da isə Elşad Abdullayev yer alacaq.
Xatırladaq ki, “Neftçi” – “Qarabağ” oyunu aprelin 30-da Palms Sports Arenada keçiriləcək və saat 20:00-da başlayacaq.
