AFFA “Qarabağ” və “Neftçi”ni cərimələdi

AFFA İntizam Komitəsi Premyer Liqanın XXI turundan təxirə salınmış derbidə baş verən hadisələrlə bağlı qərarını açıqlayıb.

90deqiqe.Az xəbər verir ki, qərara əsasən,  “Qarabağ”  azarkeşlərinin rəqib komandanın ünvanına kütləvi şəkildə təhqiramiz ifadələr səsləndirməsi səbəbindən klub 8000 manat məbləğində cərimələnib. Bildirilib ki, bu hal cari mövsümdə artıq beşinci dəfə təkrarlandığı üçün maliyyə sanksiyası tətbiq olunub.

Digər tərəfdən, “Neftçi” də intizam qaydalarını pozduğuna görə cəzalandırılıb. Belə ki, komandanın beş futbolçusu sarı vərəqə aldığı üçün paytaxt təmsilçisi 700 manat cərimə ödəyəcək.

Qeyd edək ki, sözügedən qarşılaşma “Neftçi”nin 2:1 hesablı qələbəsi ilə başa çatıb.