“Kəpəz” səfərdə çempionu məğlub etdi

Misli Premyer Liqasının XXXI turunda sensasiyalı nəticə qeydə alınıb.

90deqiqe.Az xəbər verir ki, Gəncənin “Kəpəz” komandası səfərdə son Azərbaycan çempionu “Sabah”ı məğlub edib.

“Sabah” ev oyununda “Kəpəz” ilə qarşılaşıb. “Bank Respublika Arena”da keçirilən matç qonaqların 1:0 hesablı qələbəsi ilə başa çatıb.

Görüşdə yeganə qolu 46-cı dəqiqədə Rəhim Hacıyev vurub.

Bu qələbə sayəsində “Kəpəz” turnir cədvəlində xallarının sayını 27-yə yüksəldərək 10-cu pillədə mövqeyini möhkəmləndirib. 75 xalla lider olan “Sabah” isə artıq çempionluğunu rəsmiləşdirib.

Qeyd edək ki, turun açılış matçında “İmişli” və “Zirə” komandaları qolsuz bərabərə qalıb. XXXI tura mayın 10-da yekun vurulacaq.